Yoshlarning san’at va madaniyatga bo‘lgan qiziqishini oshirish maqsadida rahbar va yoshlar uchrashuvi tashkil etildi. Tadbir davomida yoshlarni milliy qadriyatlar, musiqa va san’atga keng jalb etish, ularning iste’dodlarini qo‘llab-quvvatlash masalalariga alohida e’tibor qaratildi.
Uchrashuvda Madaniyat bo‘limi rahbari O. Shirinov so‘zga chiqib, yosh avlodning ma’naviy kamolotida san’at va madaniyatning o‘rni beqiyos ekanligini ta’kidladi. Shuningdek, yoshlarning bo‘sh vaqtini mazmunli tashkil etish, ularni turli to‘garak va madaniy tadbirlarga keng jalb qilish bugungi kunning dolzarb vazifalaridan biri ekanligini qayd etdi.
Shundan so‘ng 30-son Bolalar musiqa va san’at maktabi direktori ham so‘z olib, maktabda yosh iste’dodlarni rivojlantirish, ularni musiqa va san’atga oshno etish borasida amalga oshirilayotgan ishlar haqida ma’lumot berdi. U yoshlarni san’atga qiziqtirish orqali ularning ma’naviy dunyoqarashi va ijodiy salohiyatini yuksaltirish mumkinligini alohida ta’kidladi.
Tadbir samimiy ruhda o‘tib, yoshlar o‘zlarini qiziqtirgan savollarga javob oldilar hamda san’at va madaniyat sohasiga oid fikr-mulohazalarini bildirdilar.
✅Telegaram 📷 Instagram
🌐 Web.Sayt