18-may — Xalqaro muzeylar kuni munosabati bilan tumanda joylashgan Muhammad Amiri Naqibbek madaniy meros obidasiga 30-son Bolalar musiqa va san’at maktabi o‘qituvchi hamda ishchi-xodimlari tomonidan ma’naviy-ma’rifiy tashrif amalga oshirildi. Tashrif davomida ishtirokchilar obidaning tarixiy ahamiyati, milliy madaniy merosimizdagi o‘rni bilan yaqindan tanishib, tarixiy eksponatlar va qadimiy yodgorliklar haqida batafsil ma’lumotlarga ega bo‘ldilar. Mazkur tadbir jamoada tarixiy qadriyatlarga hurmat va milliy merosga bo‘lgan qiziqishni yanada oshirishga xizmat qildi.